Лето 2018 - Грција - ЈОНСКИ БРЕГ - Апартмани

Како еден од најубавите брегови на медитеранот, Јонскиот брег претставува незаменлив бисер во герданот на морските убавини кои ги нудат двете блиски мориња. Веќе доволно познат на македонскиот паза, Јонскиот брег со својата неицрпна понуда, секоја година не иницира да откриеме уште некое ново место кое ќе го привлече вашето внимание. Ако се потсетиме на предходните понуди, тука е секако незаменливата и монденска Парга. Но сепак и покрај тоа, оваа сезона сосема оправдано, кон неа ќе ја додадеме и блиската Сивота. Пред се’ сакајќи да го зголемиме вашиот избор, а притоа воедно и да ја истакнеме природната убавина, на овој по многу што единствен морски регион.

Парга се наоѓа на Јонското море, во областа Епир, на спротивната страна од островот Крф или пак на оддалеченост од околу 60 км на југ од градот Јанина. Парга е место кое со својот изглед и со својот дух потсеќа на старите медитерански градови. Се наоѓа покрај малиот залив, амфитетрално спуштајќи се кон морето, опкружена со шуми и вегетација на маслинови дрва. Романтичните улици со мали куќи и мноштво ресторани, таверни и кафулиња, претставуваат главна негова карактеристика. Темпото на космополитскиот дух кој преку денот привидно мирува, ја доживува својата кулминација во прекрасните вечерни часови. Парга има долга традиција и прекрасна архитектура. Прекрасните плажи како Валтос и Лихнос, кои се простираат покрај блиските заливи, одморот во Парга го претвараат во постојано истражување. За многуте туристи во Парга, секако дека централното место го завзема старата тврдина која го дели градот на два дела. Погледот од неа кон малото пристаниште или кон градската плажа претставува вистинска поетска инспирација. Престојот во Парга, надополнет со мноштвото излети во нејзината околина претставува, прекрасен летен одмор. Сивота се наоѓа на само дваесетина километри патување од познатото пристаниште Игуменица, по локалниот пат покрај јонскиот брег, до споменатата Парга. Можеби токму близината на овие познати градови, на Сивота и додаваат само дополнително значење, во сета нејзина посебност како единствено место кое има свој сопствен архипелаг од островчиња. Природно заштитена од страната на копното, со повеќе ридови и планински масив, таа се отвара кон морето со сета своја разиграност, на мноштвото заливи, полуострови и острови со кои природно располага. Како амбиентот, така и годините, на Сивота и овозможиле да се најде на низата туристички карти, кои ги поседуваат само вистинските вљубеници во морето и неговите тајни богатства. Нејзината марина, ограничениот но квалитетен капацитет за сместување, несекојдневните вонпансионските понуди, како и богатството од мирни и интимни плажи… со време и овозможиле да ја изгради својата посебност, за сите оние кои токму тоа и го бараат од одморот. Место за бегање од секојдневните грижи, во боемска атмосфера на опуштеност и монденски начин кон посакуваното задоволство.

Villa Argo Врахос
7 или 9 RO

Вилата Арго е објект, лоциран на првата линија куќи изградени долж шеталиштето покрај долгата плажа во Врахос.

од 127€

Повеќе
Villa Velissarios Врахос
7 или 9 RO

Вилата Velissarios e скромен но навистина одличен објект за престојување во Врахос.

од 102€

Повеќе
Villa Philoxenia Врахос
7 или 9 RO

Овој објект кој се наоѓа во средишниот дел на Врахос, привлекува внимание со модерниот изглед, широкиот и со зеленило збогатен плац, како и со убаво средените единици за сместување.

од 112€

Повеќе
Villa Mathias Парга
7 или 9 RO

Објектот Mathias е двокатна зграда со повеќе студија, наменета исклучиво за туристичко престојување во Парга.

од 124€

Повеќе
Villa Bellos Парга
7 или 9 RO

Вилата е убава куќа сместена во непосредна близина на центарот на Парга.

од 117€

Повеќе
Villa Mathina Парга
7 или 9 RO

Вилата е убава куќа, лоцирана на десната страна на Парга во близина на патеката која води кон големата плажа Валтос.

од 122€

Повеќе
Villa Julia Сивота
7 или 9 RO

Вилата е сосема сигурно еден од најубавите објекти за сместување во Сивота.

од 214€

Повеќе
Villa Long Summer Сивота
7 или 9 RO

Villa Long Summer е лоцирана на околу 400 метри од најблиската плажа во Сивота и околу 700 мтри од марината во градот.

од 160€

Повеќе