Качување по карпа

Качување по карпа
   
ПЕТ ДЕНА РОК ТРИП

Пет дневната “rock trip” тура низ Македонија вклучува искачувања во четири различни алпинистички локалитети, во различен амбиент и на различни по состав карпи.

Ден 1
Качување на Матка. Првиот ден ќе качуваме долги насоки со помала тежина, како и кратки спортски насоки. После качувањето уживаме во традиционална македонска храна во Манастирот Свети Никола.

Ден 2
И вториот ден е предвиден за качување на Матка. Во овој ден ќе качуваме долги насоки со поголема тежина и неколку кратки спортски насоки. По завршување на качувањето ручаме, а потоа одиме на прошетка со чамец по езерото Матка.

Ден 3
Качување во алпинистичкиот локалитет Плоча, сместен на половина пат помеѓу Штип и Радовиш. Ќе качуваме долги насоки со различна тежина кои се максимално безбедно опремени со осигурување “in situ”. Вечерта одиме на штипско – радовишка пастрмајлија.

Ден 4
Четвртиот ден е предвиден за качување на карпите на Демир Капија. Овде ќе качуваме главно долги насоки во фантастичен варовник и ќе уживаме во прекрасни панорами над реката Вардар. Попладнето ќе уживаме во локалните кулинарски специјалитети и во познатото Демиркапијско вино.

Ден 5
Качување во “незаобиколниот“ туристичко – качувачки центар Камена Баба покрај Прилеп. Качуваме болдер проблеми – насоки и кратки спортски насоки. После качувањето одиме да уживаме во надалеку познатата прилепска традиционална кујна.